Temporada di carnaval ta un temporada tambe cu DTI tin trabaonan pa haci pa inspecciona diferente cos, pa asina garantisa cu den parada of na banda, of caminda cu tin actividad, tur cos ta na ordo.

Enrique Maduro, director suplente ta conta di e actividad di por ehempel keuring cu ta tuma luga.

E ta comenta cu tur aña ta bin di parti di polis informacion cu organisadornan di carnaval cu tin cu laga nan trailernan keur pa nan por subi caminda y participa. Pero tur aña e mesun cos ta sosode, of ta un ta bin regularmente cual ta Los laga Bay y a wordo bon gekeurd. A bin un mas fin di aña, cual ta uno prepara pa Bopel. El a yega, pero a wordo afgekeurd y no a bin bek. El a keda na nan pa bin bek pa keuring y despues di esey ningun otro mas.

Nan a comunica cu DTI na final di aña pa wak si tin luga pa keuring. Dianan 3, 4 y 5 nan tabata habri pa keur pasobra no tin ningun afspraak poni, mirando cu ta en espera pa mira kico ta bay sosode, si nan ta bay verhuis si of no. A haya e tres dianan aki pa bin keur y ningun hende no a presenta.

Kico lo sosode

Awor aki ta keda na polis pa dicidi, hunto cu organisadornan, si esaki ta bay door. Tur aña e ta bay door, manera custumber. Si kibra esakinan, ta kibra carnaval, si kibra carnaval ta kibra Aruba. Ta un atraccion internacional pa turista, un atraccion grandi y akinan tambe mester bay wak con por forsa e hendenan aki cumpli pa nan ekiponan ta gekeurd y asina duna un siguridad tambe na nan participantenan y tambe pa esnan cu ta mirando cu si tin algo cu por pasa, cu ningun hende no ta wordo afecta.

Kico ta tene cuenta cune

Specialmente DTI ta mira e brakenan. Ta cosnan hopi esencial. Ora cu ta participando den carnaval, e brake, cada rato ta riba dje. Ta mira tambe su handrem, su emergency stops cu e por tin cun’e. Ta mira luz tambe, pasobra por cay laat. Si nan ta participa den actividadnan di anochi. Generalmente nan tin cu cumpli ora cu un oplegger, esta brake, luz, e hooking. Ta wak tambe riba frusto, si e mantencion ta bon riba dje.

Keuring

Segun Maduro, den carnaval, ta ofrece e trailernan varios dia y hasta diasabra si tin mester pa nan bin keur. E trekker por ta gekeurd, pero e trailer no. Tin e posibilidad eynan. Nan mester bin keur hunto pa duna asina un siguridad cu e ta na ordo completamente. Pero no ta haya nan. Awor aki ta keda na polis pa dicidi hunto cu e organisadornan, kico nan ta bay haci al respecto.

E otro trailernan

Mas tanto e trailernan chikito, manera e aanhangwagens, nunca no ta bin pa keur. Polis mes ta esun cu ta tira bista riba e parti aki, wak si e bala patras ta mustra bon, etc. Esey semper a keda un parti pa polis. Nunca el a pasa pa DTI.

Vehiculonan cu mester ta den parada, mester pasa un keur. Pero cada biaha ta un of dos ta pasa pa keur. E restonan probablemente nan no ta gekeurd. Nan ta lastrando trailer sin cu nan ta gekeur. No ta nifica cu nan ta malo, pero ta importante pa pasa un keuring, pa garantisa cu e ekipo den e ruta di carnaval, ta perfecto.