E proceso pa bira un studiante di Universidad di Aruba ta rekeri varios criteria. Segun rector di Universidad di Aruba, Glenn Thode, ta splica cu studiante na universidad bo ta bira ora cu ya caba bo a termina y bo ta cualifica como un studiante cu tin entrada na e universidad.
Bo mester tin un diploma di un scol secundario cu ta duna entrada. Pa algun di e estudionan bo mester di EPI diploma, di algun estudio, por ehempel economia y hospitalidad, ta dosnan cu ta acepta actualmente. Tambe bo mester tin un HAVO diploma pa algun di e studionan y e otro bo mester tin un VWO diploma pa e studionan. Si bo no tin e diplomanan, ley ta perscribi cu bo no tin entrada, excepto cu bo tin cierto edad cu ta 21 y bo a pasa un otro tipo di examen di entrada, cual ta un Collocium Doctum pa por drenta universidad. Tur e procesonan aki ta tuma su tempo. Tin cu verifica e diplomanan. E decanonan tin cu repasa si en berdad e personanan ta cumpli cun’e y si ta bisa tambe cu nan ta en berdad cualifica pa e estudio. Despues di esey nan por registra y e proceso di registracion tauno cu ta termina una bes cu e studiante paga su college y inschrijfgeld manera perscribi pa ley.
Update pa expansion
Poco tempo pasa, a firma un acuerdo cu KU Leuven, cual ta un universidad mas avansa den Europa pa tecnologia y tambe hunto cu Gobierno di Aruba. E acuerdo aki ta encera pa bay haci peticion na Union Europeo, cual proceso ta canando caba, moda cu por lanta un Green Faculty. Esaki ta un facultad cu ta bay enfoca riba estudionan di sostenibilidad, den colaboracion di KU Leuven. Nan ta den proceso actualmente pa mira si por habri vacatura pa e docentenan di esaki. Ta premira cu pa 2018 lo cuminsa cu e prome programanan cu e desaroyo di sostenibilidad caminda cu por studia esaki na Universidad, den colaboracion cu KU Leuven.
Sosten di Gobierno
E sosten di Gobierno ta necesario. Universidad di Aruba te ainda, e estudionan cu ta ofrece. Si mira e collegegeld cu studiantenan ta paga, ta rekeri cu Gobierno di Aruba, via di Algo cu nan ta haya un contribucion di pais Aruba, landsbijdrage, ta sostene universidad pa por organisa e estudionan aki y paga e gastonan cu ta encera organisa un estudio. Si lo mester pasa tur e gastonan di esaki pa e studiantenan, e inschrijfgeld mester ta hopi mas halto. E landsbijdrage di pais Aruba, contribucion di comunidad di Aruba, ta yuda pa mantene cu e estudio ta relativamente poco cen pa studia na Aruba, na nos Universidad.
