Joost Saris ta manager di proyecto na Monumenten Fonds. Durante entrevista el a splica un tiki riba e monumento cu ta wordo renoba e momentonan aki. Awor aki e ta den Weststraat y ta un cas monumento cu a wordo movi di Caya Grandi pa Weststraat den pasado. Durante entrevista el a splica mas.
El a comenta cu ta e cas geel cu antes tabata den cura di Aruba Bank den caya. Hunto cu Monumentenfonds, monumenten bureau y Aruba Bank, a muda e edificio aki den Weststraat y awor aki ta duna un mantencion. A verf e bentana y e porta, a drecha e palo y tambe ta drecha hopi pleisterwerk na e muraya parti paden y pafo.
Responsabel
Monumentenfonds Aruba ta doño di e edificio. Arina ta e huurdo y ta responsabilisa pa e mantencion y e bon estado di e edificio.
Tin mas
Tin mas edificio. Nan tin casi 10 pa 11 edificio, entre otro e scol bieu di 1888, cual awo ta ARA. Censo, esta e stadhuis, Watertoren na Playa y San Nicolas, Nicolaas Store na San Nicolas y e faro.
Na remarca
Pa por haya mantencion, segun Saris, Monumentenfonds ta duna mantencion henter aña, pero e edificio particular aki ta acumula diferente mantencion pa duna den un solo dia e mantencion general, paden y pafo. Ta un tiki mas di solamente un verfbeurt.
Joost Saris a splica cu tur monumento ta bon pa e turistanan bishita, pa asina mira nos herencia cultural na Aruba. Esun den Weststraat hopi turista cu ta yega cu tram of barco crucero ta mira of bishita e monumento aki. E ta un bon luga, Saris a splica.
Un bista riba e mantencion
A cuminsa dos siman pasa cu e trabao di mantencion. E contratista ta trahando hopi duro hunto cu e huurdo, Arina, pa asina full e mantencion ta cla prome cu eleccion, dia 22 di September.
Inversion
Tin hopi trabao andando. Tin hopi envolvi tambe. Tur mantencion ta wak algo nobo cu nan no ta spera. E mantencion aki ta costa mas of menos 100 mil florin. Pero tur aña nan mester duna placa na e monumentonan. No ta solamente e mantencion, pero tambe e service di airconan, tur dia nan ta traha pa e mantencion di e monumentonan, Saris a splica por ultimo.
