E diferencia grandi ta bai ta e escogencia pa pueblo y pais cu partido AVP ta para pe y e oportunistanan cu a lanta nan mes partido pa hanja poder y otronan cu ja a jega di goberna pa enrikese famia y nan mes. Esey ta bai ta e diferencia grandi e proximo eleccion. Partidonan cu tin ideologia y ta practike y partidonan sin ningun ideologia cu ta practica pragmatismo. Poniendo asina democracia na peliger. Partido AVP cu ta para pa pueblo y pais y pesey a goberna pa pueblo durante 8 anja. Gobiernonan cu a sinta prome cu AVP a hanja 2 biyon extra den caha y pueblo no ta mira unda e placa a bai! Awor tur hende por mira unda tur e placa a bai inverti. Den nos fondonan di pensioen, AOV y APFA y AZV haciendo nan solido atrobe, den nos hendenan e prosperidad comparti a bai, den nos infrastructura rond Aruba, den nos barionan rond Aruba. Partido AVP ta e mihor gobierno cu Aruba a conoce. A traha riba tur e fondonan di pensioen cu otro gobierno a laga como cu nan ta batata cayente. A traha pa juda nos hendenan cu poder di compra dunando tur hendenan algo den forma di reparatie toeslag, duna indexering na pensionadonan, duna nos mamanan soltera y jiunan un ajudo, a hisa onderstand. A inverti despues den e parti infrastructural. Esaki bo por mira tur caminda. A drecha edificionan decai cu e gobierno anterior a laga atras. A inverti den hisa calidad di nos atraccionnan turistico. Esaki ta bai ta e diferencia dia 22 di september proximo pa e eleccion. Un partido cu a y ta traha pa pueblo y pais y e otro partidonan cu a lanta pa oportunismo y poder y otronan cu nos sa ta pa enrikese nan mes y nan famia nan kier jega na gobierno. Esaki ta e diferencia grandi. AVP lo sigi traha pa pueblo y pais cu confiansa di nos pueblo.
