Evelyn Wever-Croes: No ta spera ningun problema pa loke ta numeracion di candidato riba lista di MEP

171
i10 Sedan
Download nos App
RBC Holiday Loan
CMB Ban Cobra
Blossoms Special Menu
Send a Tip 24 Whatsapp
RBC Loan Calculator

Candidatonan riba lista di partido MEP, cu kisas ta wardando riba nan number manera Guillfred Besaril, Chris Romero, Ady Thijsen. Ya caba riba caya ta sintiendo e rumornan, e noticianan cu kisas, nan tambe lo a tende of no ta tende di dje. Lider di e partido Evelyn Wever-Croes a splica cu e tambe ta tende dicho rumornan. E ta haya basta hende preocupa pa e rumornan ey. Por bisa cu ta rumor nan ta. Ningun hende no a haya nan number ainda y ta awe ta cuminsa cu e proceso eynan. Ora cu ta papiando cu cada persona, lo por ta mas sigur cu si lo tin hende cu lo haya esaki un problema si of no. Di experiencia el a traha un lista. Esun prome ta sr. Nel Oduber a trah’e, pero e ta combersa cun’e, ta consulta cun’e y e ta bisa di experiencia semper tin hende cu ta keda menos contento cu e number. Ta un cuestion di splica.
Loke nan a bin ta haciendo ta un trabao hopi grandi cu ta crece e partido. Tur hende ta sinti esaki tambe. Esaki ta un otro eleccion cu cuater aña pasa. Na e momento aki no tin ningun problema, pasobra e lista no ta traha ainda, ni number. No ta spera cu lo bay tin problema riba e tema akinan riba cuestion di number. Tur hende ta sinti e lift. Tur hende a traha duro pa yega asina leu, unless cu ta bay haya noticia cu bo no ta bin mas riba lista, y esey ta bira decepciona pasobra kier ta parti di e winning team. No ta spera problema, segun Wever-Croes.
E cuestion di number cu cada biaha ta wak’e di nobo. Ta mira diferente aspecto. Por mira e cantidad di voto cu nan a haya anteriormente, ta mira e districto cu nan ta bin di dje y kico nan ta representa. Ta mira nan performance durante cuater aña. Ta mira cuanto bishita nan a haci y con popular nan ta. Diferente aspecto cu ta tene consideracion cun’e, prome cu yega asina leu.
Segun Wever-Croes, e biaha aki, compara cu cuater aña pasa, a bay diferente. Esnan cu a bin nobo aden, ningun no tabata tin exigencia di number. Esnan cu a bin exigi number no a bin riba e lista. Pasobra nan no tabata kier a give in na e presion eynan. Tabata kier tin e canvas pa ta full bashi, e ora por traha un lista hopi mas cu flexibilidad.
Di esnan cu ya ta den partido y cu ta siguiendo cu nan, tampoco no a bin exigencia. Indudablemente tin su area di experticio cu kier profila riba dje. Ora cu drenta politica ta den cierto momento e kier yega den Gobernacion. Algun ta yega lihe, algun ta tarda poco mas pa yega. Cu aspiracionnan tey, ta sano. Pero si e aspiracion mester para den caminda di e bienestar di e partido y bienestar di e pais, ta un problema. Pero ta spera cu e no lo bira un problema e biaha aki.

Comments

Beat the Heat ACC
BENU – Cambia y Gana
Red Fish Eat Local
I am Consultancy

comments

Dragon Fly
home improvent
Roll The Dice Better Price
AC Delco 20% Service