Na hospital keto bay tin un situacion di malcontento, pa motibo di e holor di diesel den luganan crucial den Hospital. Sala di Operacion, Radiologie, awo tambe den e parti di remedi, etc. Despues di basta tempo cu e cos aki ta andando, no a mira un solucion y ta mira cu keto bay trahadonan ta preocupa. Gerencia di hospital a reacciona. Nan a menciona di a sinta cu SOGA, cu a sinta cu Sindicato.

Si mester haci un cambio, ta un cambio grandi mester wordo haci riba e ekiponan cu a wordo poni eynan.

Minister di Salubridad Publico, Dangui Oduber, a splica cu Hospital ta un proyecto cu lo wordo investiga. Esaki ta un proyecto cu na momento cu el a wordo anuncia e tempo ey den oposicion, a cuestiona henter e proceso di hospital aki. Esaki ta un proyecto di expansion, renobacion, cu na e momentonan aki, ya caba tin un budget overrun di 110 miyon florin caba.

Por imagina cu a bay over na expande, renoba e hospital y den e proceso aki nan a lubida e sala di operacion, manera ta conoci caba. Nan a lubida e Intensive Care Unit. Nan a lubida Medium Care Unit. Nan a lubida e Microbiology. Nan a lubida un MOB riba e di dos piso.

Nan a lubida pa integra e sistemanan di alarma di candela. Kiermen con por ta posibel bo ta bay expande, renoba un hospital y bo no ta tene cuenta cu ni e sala di operacion, ni e Intensive Care Unit, ni e Medium Care Unit.

 

Ki e consecuencia ta

E consecuencia ta cu awe pueblo di Aruba tin cu bay paga. Tin un budget overrun di 110 miyon florin, esaki sin conta afo tur e problemanan cu tin na e momentonan aki na hospital. Manera e problema di diesel cu e minister a atende cu esaki, no awo. Na momento cu nan a drenta gobierno, El a dirigi un carta caba na SOGA, pa e atende cu e contratista Arellano, pa evita loke ta sosodiendo actualmente na hospital. Loke ta sosodiendo actualmente ta hopi grave, pasobra no solamente e cuido ta wordo afecta. E minister a ricibi un carta di specialistanan, cu tin masha hopi keho cu tin biaha salanan di operacion tin cu wordo clausura, pasobra simplemente no por traha bao di e circunstancianan aki.

E minister a reuni cu sindicato, na momento cu e kehonan aki a cuminsa drenta. A reuni cu gerencia di hospital. A reuni cu SOGA tambe. SOGA a priminti gobierno cu nan lo atende cu e contratista Arellano, pa yega na un solucion pa e problemanan aki. Pero ta mira cu keto bay no tin un solucion pa e problema di holor di diesel. Esaki ta wordo causa door cu tin construccion andando na e momentonan aki na hospital.

Ta bay sinta cu SOGA un biaha mas y lo bay dirigi nan un carta un biaha mas, cu pa gobierno, ta inaceptabel cu no solamente e empleadonan di hospital ta trahando bao di circunstancia cu bo no ta suppose di traha, sino tur e pashentnan ta wordo afecta. E cuido ta wordo afecta y te hasta e salanan di operacion tin cu wordo cera, pa motibo cu e holor di diesel aki, cu abo como contratista, cu a gana e bid pa renoba y expande hospital, abo mester a tene cuenta cu esaki. Bo mester a tene precaucionnan pa evita e situacion cu ta aden na e momentonan aki.

E problema aki tin atencion di Gobierno. E ta un problema hopi serio. Ta bezig ta atendiendo cu e problema y ta spera cu SOGA atende tambe na un manera serio y diligente, cu Arellano, cu ta e contratista cu ta bezig cu e proyecto, pa once and for all soluciona e problema aki.

Si nan tin cu bay move ekipo, e lo bira casi imposibel.

 

Ekipo

Tin cu menciona tambe cu esaki ta un proyecto cu nan a cumpra un boiler. E boiler ta casi 40 biaha e capacidad di e hospital.

 

Consecuencia pa hospital

E consecuencia ta cu e ta bira mucho friu of mucho calor. Esaki tin consecuencia pa e cuido cu ta wordo duna. Esaki ta djis pa duna indicacion y ilustra con e proyecto aki ta wordo maneha y unda nos ta awe. Awe no solamente tin un budget overrun di 110 miyon florin, sino algun siman atras, e minister a bolbe haya un carta di gerencia di hospital, cu atrobe nan a lubida di inclui varios aspecto den e proyecto aki. Posiblemente e lo bay costa mas. Pero e minister a splica cu si e minister anterior tabata coopera pa aproba pa keda tin budget overrun, wel e minister aki ta bisa cu Sky is Not the Limit. Tin un budget overrun di 110 miyon florin, y no ta kere cu lo keda inclui cada bes aspectonan cu a wordo lubida. Na momento cu bo ta bay over na un proyecto asina grandi, bo mester tin un programa van eisen. Bo tin cu pone riba papel kico tur ta e necesidadnan di hospital y no por ta asina cu bo ta sign off riba un proyecto asina aki y na caminda, cada dos pa tres luna ta bin cambio y e consecuencia ta pa e pagado di belasting, cu awor tin cu bay paga 110 miyon adicional, sin conta e interes cu ta bin riba esaki.