Den un encuentro cu militante y simpatisantenan di AVP, lider di e partido berde y ex prome minister, Mike Eman, a trece un discurso hopi elocuente p’adilanti, expresando su angustia y preocupacion pa loke ta e medidanan cu gabinete Evelyn Wever-Croes kier impone awe durante un reunion den parlamento.
E ta comenta cu durante un debate cu sra. Evelyn Wever-Croes riba nan plannan, prome cos cu a bin den sumente ta pa Dios spaar e cartera di nos conciudadanonan. Pasobra pa chikito cu por tabata aki, pero a crece scuchando y mirando e realidad aki. Eman a cana pa bay busca firma pa por habri scol bek na Aruba. El a siña e conoce e realidad di e hendenan aki, cu ta compronde cu enberdad por tin hende asina malo, manera cu a mira awo atrobe, cu kier coy algo chikito cu a duna nos pensionadonan.
Un 100 florin chikito, pa fin di luna, tin algo luna tin algo extra den nan salario. Cruelmente ta hinca man den nan saco y ta sak’e pa paga pa kico. Cua debe, pa paga 100 miyon extra na gastonan, pa famia, amigonan. Ta kere cu e placa aki ta pa paga debe? E placa ta pa bay abusa un biaha mas. Esey no ta basa riba e diferenciana politico. E ta basa riba historia. Na 1984, 1993, 2006, tur tin cu corda, pasobra a marcha dos biaha. AVP a marcha na Juli, ora cu nan a subi invoerrechten riba tur cos.
A marcha, a sali pa bisa nan, cu no por haci e abuso aki cu nos conciudadanonan. Ta kere cu nan a worry? Nan a haya e cen y nan a sinti e dushi di e placa, no pa inverti, pasobra a laga nos scolnan, nos barionan, nos centronan di baro na werki.
AVP a haya un Aruba totalmente deteriora. E historia di debe ta pa saca for di cartera di e ciudadanonan, pa enrikece nan mes y ningun di nos mester acepta cu no por cuida un yiu pa e come mainta, of un grandi pa por cumpra un remedi, pasobra nan kier abusa di entrada di e ciudadanonan.
Esaki tabata motibo pa e mesun BBO cu awe ta wordo reintroduci na Aruba. Esaki ta algun di e puntonan cu e ex prome minister a menciona durante su discurso.
Na momento cu AVP a drenta gobernacion y a bisa, pasobra nan si no ta bisa un cos y haci otro. AVP a bisa cu lo bay kita BBO, a drenta na October, na December a bay parlamento y a bah’e di 3 pa 1.5%. Ora cu a bisa cu a mira pobresa den e pais, a mira mama soltero cu no por cuida nan yiunan, a tuma e decision pa aumenta bijstand cu 25%, introduci schoolkindertoeslag pa tur famia cu ta depende di un bijstand.
Ora cu por ataca hendenan asina vulnerabel, manera nos grandinan, cu tin e pudor di hinca man den nan saco, ta mal hende bo ta y mal hende no mag di goberna e pais aki. Mal hende no mag di dirigi e pais aki.
Por ultimo e ex mandatario a enfatisa cu e gobierno aki no mag di keda ningun dia mas.
