Kustwacht ta haya ekiponan nobo constantemente. Awo nan tin e botonan Metalshark cu a yega Corsou algun siman pasa. E fabricante mes di e botonan aki, a bin cu un ekipo pa duna entrenamento con pa maneha cu nan. Ta en conexion cu e garantia cu e fabrica ta duna. Mester sigui e curso aki cu nan ta duna ora di uza nan boto. Kustwacht a haci esaki y e tabata exitoso. E fabricantenan mes tabata impresiona con e personal di kustwacht tabata bay om cu e botonan aki.
Cambio di flota
E Super Rihb a keda 14 aña den servicio. Intencion tabata pa nan a keda 10 aña. Proyeccion di e Metalsharknan ta pa nan tambe keda cu un promedio di 10 aña den servicio di kustwacht
Con a cuminsa
Diferencia entre e dos tipo di botonan aki ta cu e Super Rihb ta mas plat y tin rand di rubber. E metalsharknan, manera e nomber mes ta bisa, ta di metal. E diferencia di mas grandi ta cu nan tin un cabina cu ta cera cu por traha hopi mas comodo den dje. E super Rhibnan ta habri, bo ta muha. Anochi ta hopi friu, e ta incomodo y esakinan ta hopi mas comodo. Nan stoelnan ta hopi mas miho cu por traha riba dje. Nan tin hasta un baño y un kitchenette. Bo por keda hopi mas tempo comodo riba lama. Esey ta e diferencia di mas grandi.
Parti pafo
E parti pafo di e metalshark ta mas ekipa. 14 aña a pasa despues di e Super Rihb. E tecnologia ta hopi mas avansa riba esakinan tambe. E ekipo di radar cu tin riba dje, e otro ekiponan cu ta traha cun’e, tur nan tecnologia ta mas avansa.
Velocidad
Ta mantene e velocidad. E ta hopi importante. E motornan cu tin riba e metalsharknan ta hopi bon. Nan ta grandi y e manera cu e metalshark ta hinca den otro, e ta facil pa e usuario y tambe pa haci e mantencion riba dje.
Mas boto
Segun Gouverneur, tin 4 metalshark cu a yega. Nan a yega algun luna pasa na Corsou. E proyeccion ta cu na final di Juli/Augustus tin cuater pa Aruba y fin di aña lo bay bin cu e cuaternan pa St. Maarten.
Preparacion
Den e proceso di adkisicion di e botonan aki, un team di kustwacht, tanto di Corsou, Aruba y St. Maarten a bay Merca hunto y a base di rekisitonan cu tabata tin, a traha e botonan. Nan ta custom made pa e tareanan cu kustwacht tin cu haci.
Ta wanta duro
E botonan aki ta wanta lama. Nan a pasa a trails caba. E fabricante a keda impresiona con e olanan ta.
Kico lo haci cu Super Rihb
A saca algun di e Super Rihbnan for di servicio pasobra nan no ta sirbi mas. E intencion ta pa esunnan cu a resta, pa bende nan. Gouverneur a splica cu te ainda, tin di compronde e intencion ta pa bendenan cu publico. No sa si e idea lo cambia despues. Pero te asina leu, ta cu publico e intension ta pa bendenan.
Inversion
E inversion total ta di 11 miyon Euro. Pero esey no ta pa e botonan so. E ta pa e entrenamento cu nan a haya, e investigacion cu nan a haci. Tur esakinan hunto a costa e suma ya menciona.
E botonan mes
E metalsharknan ta bin di un compania ubica na Louisiana, Merca. Eynan e lama ta otro compara cu di nos region. E botonan aki ta wordo uza hopi door di US Coast Guard. Nan ta wordo uza pa e guarda costanan den e islanan den Caribe. Manera na Jamaica, Puerto Rico. Lama eynan ta similar cu esun di nos.
Patruyahe
Awor aki a caba cu training y nan ta cla pa subi lama pa haci nan patruya. Dentro di poco ta spera e metalsharknan riba lama.