Inscripshon a habri na Ibisa, pa e di shete edishon di e ya popular caminata organisa pa e tricolornan di Solito. Un evento cu semper ta sold out, pa es motibo ta recorda tur hende pa yega Ibisa den orario di trabou dialuna pa diabierna y registra.
E aña aki cada un participante cu crusa linja final ta haya su medalla di Oro. Tambe lo ricibi un bunita jersey Royal Blue, frutanan fresco, massage station cu e team di Profesionalnan lidera pa Icho Matos. Lo tin 3 waterpost di Thrill Walkers, animashon musical cu live DJ y High Performance, anto sin laga afo e ambiente total cu MC Roberto Geerman. Salida ta diadomimgo 4 di maart 6:30 di mainta, ruta: kamerling onne, la salle straat, retonde piet, retonde ponton, retonde tanki flip, retonde tanki leendert y yega bek na RCA Arena.
E ruta lo ser bon patrulla pa Harley Brigade y K.P.A. motor unit. Lo tin diferente premios cu lo rifa despues di e careda e.o. cahanan di POWERADE, dinner for two di Toni Roma’s, Old Fisherman, snackplatter On the Rocks Cafè. Costo inscripshon ta solamente Awg 25,00 y bo ta contribui na e fundraising event di e Club deportivo mas grandi na Aruba, sport vereniging Racing Club Aruba, funda 15 februari 1934.
