Si no tin trahado pa ocupa e funcionnan unda tin cierto demanda, e ta basa kisas riba e mentalidad cu tin hopi hende ta considera e trabaonan aki inferior segun Hubert Dirksz di FTA.
Pero un hende mester haci’e y na cierto momento si bo no por tin hende pa haci e trabaonan aki y no solamente e trabao menos paga, sino tambe di salarionan halto, profesionalismonan specialisa, bo mester busca hende di afo e ora. Esey ta e problema pasobra bo ta bay hayabo cu un desempleo local y toch bo ta busca hende di afo. E dunado di trabao y tambe bo tin e programa di educacion manera di her, bij en omscholing di enseñansa pa empleo, mester haya un luga aki pa por atende cu e problema. Y si e condicionnan di trabao ta bon, automaticamente un hende ta bay haci e trabao. Miho haci un trabao cu ta duro, pero cu bon condicion, bon salario, e ta miho cu keda na cas. Tur esakinan, si no atende nan, nan ta bira problemanan mas grandi despues y esey na Aruba ta tempo pa por traha hunto y wak e problemanan conhuntamente.
Exigencia
Segun Hubert Dirksz, e no sa si cierto trabaonan tin trahadonan cu kier haci cierto orario si di trabao. Sa si cu seis dia pa siman y ocho ora pa dia, cual ta 48 ora pa siman, ta basta duro y sa cu hopi pais a reduci esaki sigur si un persona tin edadnan mas halto. Si kier mantene un nivel di productividad, ta importante pa bo tene cuenta cu e orario di trabao, ta fit e trahado, pa e produci mas. Si tin un compania cu ta draai 24 ora pa dia, 7 dia pa siman, e ora logicamente, na momento cu bay traha, bo ta bay cu e conexion eynan caba pa haci trabao, sin importa ki ora di dia, ni ki dia di siman. E splicacion eynan tin cu wordo duna na comunidad. Por tin un situacion, un deseo pa traha cierto oranan basa kisas pa motibonan husto pa por ehempel atende famia, sea un mama of un yiu, etc., ta corecto, pero e ora eynan si por yega na un acuerdo riba esaki, lo ta bon. Tur manera mester tin e comprension di tur dos banda. Pasobra tampoco pa motibo di por ehempel un mama tin un yiu y e mester traha cierto oranan, pasobra no tin hende pa wak p’e. E mester bay keda sin haya un trabao. E ora eynan, segun Dirksz, mester tin un balance aki, mester tin mas informacion akinan y sigur mester tene cuenta cu ora ta bay traha, bo ta bay den e condicion di trabao, mester ta poni cu bo ta disponibel y depende e tipo di trabao y sigur e compania tambe mester tene cuenta cu esaki.
