Awe diabierna, ehecutivonan encarga cu relacionnan cu Gobierno di Digicel Group a bishita e prome mandatario di Aruba, esta Minister Presidente Evelyn Wever-Croes. Ta trata aki di Lisa Lewis, Kieran Mulvey, David Geary di Digicel Group y tambe Wanda Broeksema, CEO di Digicel Aruba.
E bishita di cortesia a bay den forma masha ameno den cual a trata diferente punto di interes comun, specialmente e vision di e proveedor si comunicacion mobil, cu ta interesa pa sigui inverti den su red na Aruba y pa kibra e monopolio di comunicacion via internet cu tin ainda na Aruba.
Asina so comunidad lo por goza di miho servicio, mas velocidad y capacidad y miho tarifa, mescos cu a sosode na aña 2003 ora cu Digicel a logra kibra e monopolio di celular na Aruba.
