Diabierna pa 9:33pm a sosode un accidente ora cu un Pick-up marca Mitsubishi a baha caminda y drenta cura di hende. Polis a constata cu e auto a kibra cura di cas Noord Cura Cabay # 129.
Investigacion na e sitio a indica cu posiblemente e chauffeur ta burachi, debi na e forma con el a dal su auto y debi na holor sterki di alcohol. A laga e chauffeur supla y a resulta cu e tin un nivel di alcohol den su rosea riba locual ta permiti pa ley.
Polis a detene mesora y a hib’e Warda di Polis di San Nicolas pa presenta dilanti Fiscal Auxiliar pa dicidi kico ta sosode cune.
