Homber a yega Hospital cu tiro den pecho

Den un estado delicado, un homber a yega Hospital, mita for di tino, cu un herida di bala procedente di un arma di candela, cu a perfora su pecho. Ken a tire y pakico a tire ta keto bay bou di investigacion. Ta den un auto particular a hibe SEH, bisando cu a tire na Santa Cruz.

Pafo amigo y famia a altera pa cual a pidi presencia di Polis, specialmente despues cu a menasa paramediconan riba Ambulance cu morto. A controla e auto cu a transporta e victima pa mira ki evidencia Polis por haya den e caso aki.

Slachofferhulp a bay sostene famia, ora cu nan a sali hopi tristo despues cu Dokter a splica nan situacion di nan ser keri.