Centro di Bario Savaneta ta ofrece diferente actividad durante aña. E proximo actividad lo ta: Futsal Copa Rapid 2018 Company Tournament. Un actividad deportivo cu henter famia y compania por gosa di dje.
E Futsal Copa Rapid 2018 Company Tournament lo tuma luga di 22, 23 y 24 di juni. E partidonan lo cuminsa di 6.00 pm. Pa participa: forma bo team di 10 persona y inscribi bo team. Participacion ta AWG 50 pa team. Bini uno bini tur pa asina duna aporte na esnan cu ta participa. E bar y cushina lo ta bon surti.
Meta di e actividad aki ta pa recauda fondo pa Centro di Bario Savaneta pa inverti den e mantencion y reparacion di e edificio y veld deportivo.
Pa mas informacion of inscripcion por yama 594-3331 of manda un email pa [email protected]. Like e Facebook page di Centro di Bario Savaneta y keda informa di e diferente actividadnan cu Centro di Bario Savaneta ta ofrece na henter e comunidad en particular esnan di Savaneta.
