DIMAS ta bezig ta promove e uzo di informacion cu ta suministra via Facebook. Esaki ta a base di e preguntanan cu ta haya diario, a formula locual cu ta yama e Frequently Asked Questions y ta duna informacion. Ta haya hopi pregunta a base diario via nan pagina di Facebook y ta contesta esaki den un tempo relativamente cortico pa asina e cliente sa tambe kico ta e informacion cu e tin mester. Ta dun’e guia segun e directora di DIMAS Kathy Paskel. Hopi biaha e informacion ta riba e website caba, pero no tur ora e clientenan por yega facilmente na esaki. Tin un team tras di e Facebook, cu ta contestando esaki. Igual ta conta pa e website. Riba e website tambe tin un posibilidad di haci pregunta y eynan tambe preguntanan ta wordo contesta.

Ta hincando tambe awor aki riba e website, tur locual cu ta e newsitems. Si bo no a logra les’e of no a logra tend’e, bo por sigui esaki tambe via di tanto Facebook como Website.

Retraso

Te cu diahuebs siman pasa, tabata falta 1500 permiso ainda. Esey ta bay wordo finalisa e luna cu nos ta aden awor aki. Tin un team trahando riba esey. Tur cliente lo haya nan contesta. Den caso cu e ta uno cu a wordo haci despues di September y e ta resulta di ta positivo y a duna e contesta despues di Maart, nan tambe lo haya e contesta den forma di un carnet.

 

Peticion pa prome permiso

Prome permiso nunca no a stop pa locual cu ta DIMAS. Tin diferente tipo di meta pa estadia. Tin studiante, rentenier, famia, labor. Locual cu si tabata tin ta pa loke ta maneho di minister di labor, cu tabata tin un limitacion riba locual cu ta duna, na loke ta permisonan di labor. E maneho nobo di e minister di labor, ta den preparacion. DIMAS mes ta den consulta cu nan ainda. Segun Paskel, na momento cu bin cambio, esaki lo wordo anuncia na su debido momento.

 

Hunto cu departamento di impuesto

DIMAS a anuncia recientemente nan cooperacion cu Departamento di Impuesto. Na comienso tabata tin algun problema tecnico. Esakinan mester a keda soluciona. Awor aki e balie ta operacional atrobe. Mester comunik’e atrobe na e clientenan, pa nan sa cu nan por bin DIMAS, haci nan pago y despues di esey, entrega na peticion. Tur dia tin un funcionario di Departamento di Impuesto sinta eynan. E pagonan cu por wordo haci eynan, ta pa tanto retributie, legges y waarborgsom, cual ta pagonan cu tin cu wordo haci cu debitcard. No lo bay tin transaccionnan cash. Sa tin dia slow. Esey tin di haber cu por ta clientenan lo tabata tin cita cual pagonan a wordo haci den dianan anterior. Ta recorda e clientenan cu esaki ta operacional bek y cu nan por pasa ora cu nan tin un cita na DIMAS, paga y despues di esey entrega nan peticion na DIMAS.