Dialuna anochi unidadnan policial a bay pura den direccion di Sero Patrishi. A drenta unformacion cu tin un yiu cu tin problema di cabes causando problema na cas. Tambe a menciona cu el a herida e tata. Ora cu Polisnan a yega cu masha cautela a bay mira e situacion. A resulta cu e tata tabata herida y a pidi pa ambulance. E tabata tin kap na cabes.
E Polisnan a pidi pa ambulance y tambe a bay over na detencion. Despues cu ambulance a presenta pa e tata herida, e mama tambe a bira malo y eynan tambe a pidi pa otro ambulance. Tata y mama a bay hospital y yiu muhe a bay warda. Probablemente mester busca un solucion of yudansa pa e yiu cu ta causando problema na e cas di e mayornan.
