Un yiu homber a perde su libertad despues cu el a bay cu e auto di su mama sin permiso. E mama a bati alarma pa e caso aki. A avisa Polis. E polisnan a topa e auto banda di Eagle. A cuminsa bay su tras y refuerso tambe a presenta. A perde e auto for di bista banda di Alhambra. E unidadnan di Polis a cuminsa busca rond y ta topa e auto banda di Divi All Inclusive. A baha y a detene e chauffeur. A busca dogcatcher pa hib’e warda di Shaba. E auto a keda confisca, pendiente e investigacion y pa e mama como doño busc’e na warda. Pa e mama yama Polis pa su yiu ta un extremo basta grandi. Probablemente e yiu no ta uno cu su comportacion ta asina bon. Riba e foto por mira mas di e proceso di detencion.
