Diasabra, dia 12 di december, a realisa e convocatoria pa e consulta popular pa Venezuela contra di Dictadura. E luganan cu a participa na e consulta popular, tabata ubica na Noord, Pos Chikito, Oranjestad, facilitando tur e Venezolanonan riba e isla. E personanan por a participa mediante e aplicativo “telegram” of asisti personalmente.
Despues di e ceramento di e votacion durante oranan di atardi, for di Berloni a combersa cu Luiz Zarraga y Andreina Rubio, kendenan tabata responsabel di e actividad aki na Aruba, a mustra di ta hopi satisfecho pa e participacion masivo di e Venezolanonan durante e consulta aki. Durante e transcurso di anochi, a sigui e conteo di voto. Pa conoce e participacion di tur hende si e ta un proceso cu lo a bay tarda, debi na e participacion masivo den tur pais, na Venezuela a amplia e orario pa dos ora mas.
Luis Zarraga a indica cu e Consulta tabata hopi bon, e asistencia tabata masivo, un fiesta democratico, pasobra e Venezolanonan a bin ta manifesta e rechaso na e Dictadura. Rond mundo tabata tin un fiesta democratico, tur a responde tres biaha SI na e consulta popular y tabata exitoso.
Andreina Rubio a informa cu ta sperando e resultadonan for di Caracas pasobra e plataformanan a colapsa, no tabata tin un cifra real na e momentonan ey. E participacion tabata masivo, pa participa no tabata necesario pa ta den e registro electoral pasobra for di hopi aña e consulado no a pone na disposicion e Registro electoral pero esey no tabata necesario, cualkier Venezolano cu un ID sea vigente of caduca, por a participa.
Zarraga a indica: “Pa motibo di con e Dictadura a comporta contra e Venezolanonan, p’esey tur a vota den e consulta aki, na mundo por a mira Venezolanonan ta para den rij pa responde tres biaha SI. Tur contra un dictadura criminal.”
Loke ta spera di e consulta popular aki ta pa yama e atencion di e comunidad internacional pasobra esnan cu a bin pa firma ta nifica un grito di desesperacion pa e Dictadura criminal, cansa di violacion y asesinato.
“Nos no kier pa nan invadi nos y existi mas morto na Venezuela, no mas sanger,” Zarraga a bisa.
Andreina Rubio a gradici e Venezolanonan rond mundo cu a participa den e consulta popular, “nos kier bisa boso, nos ta afo pero no ausente, nos tey pa yuda, unda cu nos por ta,” el a bisa emociona.
Andreina Rubio agradeció a los Venezolanos de todo el mundo que participaron a Venezuela “le decimos, estamos fuera pero no ausentes estamos para ayudar estemos donde estemos” dijo emocionada.
