Un zonido hopi fuerte ta locual a pone bisiña bati alarma mesora cerca polis. Na yegada, a bin topa cu un compresor grandi di un airco cu señal visibel di a explota, y e area tur na azeta.
Esaki a sosode awe diadomingo den careda di 3:50 pm. Polis a presenta na un cas net patras di Bo Wah Supermarket na Sero Blanco, unda cu bisiñanan a lanta tur spanta debi un un zonido fuerte den cercania.
Polis na sitio a tuma nota di un compresor di un airco di e supermarket, cu a rementa y cu consecuencia, a saca basta huma blanco den e area. Tambe por a wak azeta cu a spart te na e cura di e bisiña.
Polis a bay atende cu e doñonan di e Supermercado, cu a splica na nan turno, cu e airco en cuestion a caba di haya un servicio di mantencion e dia anterior. Cu ta sospecha cu esaki lo a pone cu e airco lo a “overheat” te pone cu el a explota na final.
