Diaranson anochi na Parokia Cristo Rey a celebra e conmemoracion p’e 311 aña di Birgen di Chiquinquira “La Chinita”. Na e misa aki a presenta varios Venezolano devoto kendenan ta adora e Patrona di Zulia na Maracaibo.
Pastor Andry Soto a indica cu mas di 300 aña pasa riba e lago di Maracaibo, unda a aparece un tabla chikito yena cu hopi speransa, hopi fe di e pueblo Zuliano (capital di Maracaibo), y Venezolano, ayera a venera e devocion aki, manera ta haci pa aña y cu hopi fe a haci hopi milager den e pueblo, den e caso aki di Zulia. Pero tin hopi devoto, cu tin cariño hopi speciall p’e Virgen di Chiquinquira.
Añanan anterior tabata por tin gaita, pero cu e realidad di COVID-19, mester mantene distancia den e bankinan y esey a haci cu hopi hende no por participa. Ta acerca e birgen pa pidi p’esey: salud, sanacion, pa mundo henter, pa Venezuela y tambe Aruba, pasobra nan ta biba aki, nan kier pa Birgen Maria intercepta pa cada un persona, pa tur cu ta habita riba e isla, pa yen’e cu bendicionnan. Tur Venezolano cu ta riba Aruba, di ta sinti nan mes stima p’e birgen, kende tabata sa kico ta peregrina, tambe tabata inmigrante, tabatin di sali for di Belen, pasobra tabata kier a mata e mucha y e mester a bandona. Birgen Maria sa di e dolornan, di laga famia y bay otro luga, pero loke ta mas bunita ta ora tin fe, ora tin amor pa Dios, cu no ta bandona bo pasobra bo ta su yiu, e no ta bandona bo.
Segun Levy Talavera, ta hopi importante pasobra nan ta catolico creyente y “Chinita” a aparece. Dios a banda un patron excelsa di loke nan ta mira, pasobra su mama a mand’e via e lago di Maracaibo, 311 aña a pasa y ainda ta celebr’e, ta pasa bon, hopi alegre, pa diferente motibo y awo cu tin un situacion hopi dificil den e pais. “Semper nos ta purba conserva e fe como un bon catolico, warda cu cosnan lo cambia, di berdad.”
“Nos tin hopi pa celebra; pero COVID-19, mas di e banda catolico cu otro tipo di actividad di fiesta. Nos mester sigui cu Fe y devocion, nos sa cu tur cos lo cambia. Nos ta spera cu tur cos cambia pronto!”
Andreina Rubia, kende ta un persona fiel di “La Chinita,” “patron di Maracaibo Venezuela, cu ta cumpli 311 aña y ayera tabata motibo di celebracion di su aparecion. Normalmente ta celebr’e cu gaita, pero door di COVID-19 esey no tabata posibel. E coro di misa a acompaña.” Nan a canta pa Mama Maria, esey ta nan adoracion. “Danki na tur cu a colabora pa haci e celebracion aki, na Pastoor Andry hopi danki, na e pastoor di misa Cristo Rey un danki di a presta nos un luga pa celebra la Chinita, y tur presente pa Dios bendiciona nan. Cu Chinita semper compaña nos,” el a termina bisa.
