Anko Koopmans, director di DTI, a participa den un reunion en conexion cu e temporada di carnaval. DTI su rol no ta den carnaval asina hopi, pero ta parti di e keurmento di vehiculo, vooral e parti di trekkers, cu ta lastra e garoshinan of cualkier otro ekipo, sea cu ta un banner of algo, mester ta gekeur, mirando cu ta riba caminda publico. Esey ta e rol di DTI awor aki.
Keurmento
Koopmans a splica cu tin preferencia pa esnan cu ta bay den parada, cu nan por bay keur nan auto, nan trekker, nan vehiculo na DTI esta diabierna. No ta habri pa publico ainda. Tur hende cu tin cu keur ainda nan vehiculo pa carnaval, por bin libremente na DTI sin afspraak y ta keur diabierna. Dialuna ta habri pa publico atrobe via afspraak.
Importante pa keur
E ta sigui splica cu por a nota cu siguridad ta importante den carnaval tambe. Aunke cu no tin speednan halto, hopi biaha e garoshinan tin nan peso y nan brake di trekvoertuig mester ta bon. Vooral cu tin hopi hende den parada tambe y e publico na banda. Ta rekeri un siguridad tambe den Carnaval. Esey ta e parti di keuring pa e vehiculonan.
Interes pa keur
E asistencia tin biaha ta pober na DTI, sea cu nan ta gekeur caba of no tin interes. Segun Koopmans, mester cuminsa un caminda. Tin sosten di KPA tambe den e parti aki, unda cu n an ta e vergunning gever. Ta depende di otro. E ta parti di cada lider di grupo y su organisacion pa pensa tambe riba siguridad rond di dje, no solamente di dje mes, sino e hendenan cu ta den e parada y e publico na banda. Cualkier incidente cu pasa, ta un mal noticia pa e carnaval y esey tambe lo pasa riba Facebook, y tur caminda. Ta un mal nomber pa Aruba. Ta pa tur hende nan deber, pa pensa riba nan siguridad y tambe di otro.
A haya un grupo sigur cu a bin aña pasa. Diahuebs mainta tabata tin algun eynan. E interes ta bezig ta biniendo. Ta spera cu tur hende lo haci nan parti y nan ta bin keur awor aki.
Autoridad
DTI ta bezig ta train su hendenan den BOA. Esey por ta duna nan un tiki mas autoridad. Koopmans ta kere cu tur hende mester sinti tambe cu ta nan deber. Ta un parti di ley. Tur hende mester cuminsa compronde cu ta importante pa cumpli cun’e. Ta bay wak den 2019 kico por trece acerca y por ta duna mas informacion, mas concientisacion. Tambe pakico ta haci cierto keuring y pa hendenan compronde e siguridad tras di e keuringnan.
