Analisando tur e desaroyonan local y internacional rond di mundo y Aruba por a nota awe cu varios restaurant a dicidi di sera nan portanan te cu fin di luna.
Varios di nan a comunica cu nan cliente pa e siguridad di nan clientenan y empleadonan lo permanece cera completamente.
Otronan a dicidi di duna servicio solamente den forma di ‘Take Out’ y of entrega te na cas of oficina. Un gran cantidad di nos restaurantnan tin mester di e clientela ‘turista’ pa asina por sobrevivi.
Awor cu e cantidad di turista a baha y lo sigi baha ta opta pa sera no solamente pa e parti di siguridad pero tambe pa e parti di baha gasto e.o personal, coriente, etc etc.
E situacion aki sigur lo afecta e restaurantnan pa cual esunan mas chikito sigur no lo por ‘wanta e sla’ y lo no habri mas. Mientrastanto Gobiero di Aruba a anuncia awe cu entrante diamars tur establicimento pues tambe restaurant lo mester cera tur dia no mas tarda cu 10 or di anochi.
