Partido UPP ta contra e bendemento di patrimonio nacional di Aruba y desde cu nan a ricibi e documento over bendemento di WEB, Candelario Wever di UPP a pensa cu esaki ta un fake news. E no por imagina cu POR y MEP tin e durf di bin cu un proposicion asina aki. Ta falta cu partido MEP bay permiti pa pone den man di particular un patrimonio di pueblo. No por habri un tiki e porta di un patrimonio.
Despues di a ricibi e confirmacion, el a mira cu e persona cu a percura pa Serlimar ta den problema, ta tras di esaki. E empleadonan di Serlimar ta resa y pidi cu nan por cobra, pasobra e director a bisa cu no tin placa. Esaki ta asina pasobra placa no tabata drenta. Tur esaki tin di haber cu e proceduranan corupto di Otmar Oduber, Booshi Wever a bisa. “A duna compinchinan, sponsornan, contractnan miyonario y tin incinerator chikito cu no ta trahando.”
E ta puntra con un persona asina ey por tin e pretencion di ta e salbador di loke ta pasando na Aruba. UPP ta kere cu e situacion di e crisis aki no tin luga pa hende hunga heroe, pa ta populista ni pa ta intransparente. A ripara cu e gobierno aki den su totalidad, aunke cu tin cosnan bon ta pasando, tin cosnan cu ta pasando cu ta cay bou tur 4 categoria cu no ta corecto.
E documento di POR ta un punto di populismo, pasobra ta sali for di scenarionan sumamente positivo, segun Wever. No tin aspectonan cu mester tene cuenta cu nan. Di bisa cu ta bay bende algun share na fondonan social di Aruba y, e ta puntra, acaso tin cu laga e fondonan aki core riesgonan grandi. E director di SVb mes a bisa esey, un otro fondo social ta AZV. Hulanda ta pidi pa no paga mas den AZV. El a bisa cu AZV tin cu bay paga hospital. APFA a hinca placa den e proyecto corupto di hospital y despues a inverti 100 miyon florin den hotel cu ta cera. Nan ta bay tuma e riesgo di cumpra un share di WEB, pero ora cu cos no bay bon kico nan ta bay haci ora cu gobierno no tin placa. Nan ta bay bende na derden. E fondonan publico lo bay den man di particular. UPP ta 100% contra di e pensamento diabolico aki.
Wever a remarca cu Otmar Oduber ta un bon studiante pasobra kier a bende Setar y laga Fabela tuma esaki over. UPP ta corda cu kier a bende santana pa haya placa y ta lubida e cosnan aki. Despues cu el a masacra e parti di comerciantenan tempo cu e tabata minister cu tur tipo di belasting, e mesun persona aki ta cana tur caminda rond. Un miembro cu ta minister di e mesun partido a bay Merca y yama tur stakeholder, no e minister di Turismo, pero e ex minister ta laga un hende di dje papia cu tur stakeholder na Merca pa bin papia di turismo.
E gobierno aki mester ta mas atento, pasobra e plannan aki ta sali for di scenarionan faborabel. Pa ken e normanan nobo ta bay conta? E norma nobo aki ta bay conta solamente p’e empleadonan, ta conta p’e comerciantenan. Den concepto di UPP e norma nobo ta e solucion. Esakinan ta unda nan mester mara man di e politico. Si bay bende e sharenan y haya 100 miyon florin, ta pa bay paga cosnan cu debe. Esey ta e caminda y bin cu reglanan estricto di “good governance”.
Tin cu proteha e clase trahado Arubano, segun Wever. El a tende cu lo kita 40% di salario y a sali core bisa cu esey no ta berdad pero loke ta real ta esaki lo ta entre 20% y 25%. Lo bay tin un circulo di friends & family lo bay haya un descuento di 20% y den e documento ta papia di wanta vakantie uitkering, pero esnan cu no ta den e circulo lo perde 100% den nan trabou. Awo mester pone un paro temporario di verlenging y mira esnan cu a perde trabou of ya no tin pa haya un trabou. Tambe kico ta bay haci cu esnan cu perde trabou cu gobierno.
