Su nomber ta “Rousseau Normil”, un hoben talento cu ta sali bao di e luz di espectaculo local cu bon pia cu e tema titula “Ami cu bo” For di chikito e ta canta acapela harmoniza [Boyz II Men style] hunto cu su otro 3 rumannan cu un tempo atras nan tabata bao di e nomber “A4”.
Pero nunca nan no a graba un video clip, pero si nan tabata semper ser menciona den tempo di fin di aña. Rousseau Normil” ta lanza su mes como solista y ta uni su mes cu su amigo ‘Sidney Marcelo Maduro’ alias Kleine G ta un hoben productor y alavez compositor.
“Kleine G” porcierto a produci y graba e tema aki den ‘G Plug Production’ studio mustrando su hablidad den tur sentido di e palabra. E produccion y ‘editing’ di e video clip tabata den man di otro hoben hopi creativo y talentoso esta Samir Angel cu a expone su idea n’e dos artista hobennan aki.
“Rousseau Normil” a señala cu e tin mas cos pa mustra y presenta, ademas di esey ya caba e tin ‘jaar caleder’ programa pa lanza diferente tema cu su video clip cu ta masha importante awendia. E idea ta, pa di un forma masha sensiyo mustra su capasidad vocal cu ta
totalmente diferente na loke nos a bin ta skucha ultimo aki y di por marca su mes tambe como como cantautor di un bon contenido manteniendo e liña comercial.
