Pa motibo di e pandemia di Covid-19 studiantenan cu ta curioso pa scoge un estudio no por bishita Universidad di Aruba. Un estudio por mustra asina leuk riba papel, e decision final pa scoge cierto estudio of institucion hopi biaha ta cay te despues di a bishita un ‘open dag’.
Pero kico pa haci ora cu no ta posibel pa asisti fisicamente na un ‘open dag’ pa motibo di e coronavirus. Nos ta haya nos ta haci uzo di e alternativanan digital disponibel, manera organisa un ‘open dag’ online, nos ta pensa cu esaki por ta hopi leuk tambe.
Na e momentonan aki e edificio y bunita hardin di Universidad di Aruba ta desola. Normalmente esaki ta un universidad ‘vibrante y yen di movecion’. Ta custumber cu e simannan aki tin e ultimo ‘open dag’nan pa MBO, HBO y Universidad. E dianan riba cua e studiantenan cu ta duda por wak si e studio cu nan a scoge berdaderamente ta pas cu nan. Pa motibo di e coronavirus tur e dianan aki a keda cancela, p’esey a busca otro forma pa toch por conseha e futuro studiantenan. UA ta invita boso pa bishita nos plataforma di medio social y keda na altura di informacion di e diferente programanan di estudio cu nos ta ofrece.
Apesar di e echo cu tempo ta limita, toch nos kier ofrece e studiantenan Rubiano un ‘open dag’ online. E simannan venidero lo tin mas informacion online e.o, video di studiante y docente. Desde 15 di april, nos lo habri nos online prior registracion. Y despues tur diaranson, lo contesta pregunta via ‘live chat’, speed dating y diferente pregunta.
Den e prome sesion ‘live Q&A’ lo duna informacion tocante di e Academic Foundation Year cu lo cuminsa otro siman diaranson. Sigui nos riba nos red social manera Facebook, Instagram y nos website pa mas informacion tocante e diferente programanan cu nos ta ofrece. Nos ta pidi tur hende pa #kedasafe #kedacas #labaman y tin tene cuenta cu otro. Laga nos como comunidad t’ey pa otro!
