Dialuna den oranan di mainta unidad motorisa a tene control riba diferente truck. Nan tabata controla riba e validez di rijbewijs C, safety belt y core cu celular den man. Resultado di e control ta como lo siguiente:
Durante e control riba diferente truck a haya 6 chauffeur sin rijbewijs C. Esey a pone cu e compania mester a manda otro chauffeur cu si tin e categoria di rijbewijs C pa busca e truck na e sitio. A duna multa na 28 chauffeur cu no tabatin nan safety belt.
E unidad di motor a duna nuebe chauffeur multa door di tabata core nan truck of dumptruck cu celular den man. Tambe a duna multa pa gebodsbord pariba di Renaissance.
Den e proximo dianan aki unidadnan policial lo sigui tene control. Cuerpo Policial ta recorda tur hende pa tin tur papel di vehiculo na ordo.
