Awe un total di 36 persona a recupera di COVID-19, pero acerca a bin 20 caso nobo di cual 2 ta no-residente, (“positivity rate” bou residente ta 12%). E total di casonan activo te awe 233 y a test 243, cual testnan haci bou residentenan na laboratorio di hospital ta 150. E total di casonan di fayecimento relaciona na COVID-19 a aumenta na 36, condolencia na famia y amistades di e fayecido.
Hospital ta informa cu tin un total di 13 persona interna di cual 2 den Cuido Intensivo y 11 ta isola riba piso general.
Pa sigui controla e pandemia di Covid-19 ta importante pa comunidad ta alerto y na prome indicacion di sintoma tuma contacto cu dokter di cas pa haci un test. Door di isola e casonan positivo nos por controla e virus y stop e di sigui plama.
