Awe den oranan di atardi presidente di Parlamento a yama un reunion cu tur fraccion pa atende cu e peticion di gobierno pa duna Marisol Lopez Tromp su retiro.
Un di e promenan pa yega tabata lider di partido RED Ricardo Croes, kende den e reunion di siman pasa a bandona sala sin vota pa e mocion di desconfiansa.
Na su entrada el a bisa cu por fin e ta mira cu ta atende cu e forma corecto riba e tema di retiro di Marisol Lopez Tromp. El a bisa cu e ta keda para riba su actuacion di siman pasa. “Mi a wordo escogi pa ta representa pueblo y mi a huramenta pa esey. E pais aki tin un Constitucion y no tin nada riba un Constitucion. Mi a bisa cu mi ta para pa Constitucion. Loke ta sosode awe ta bay segun Constitucion y esey mi no tin problema cu ne.”
Un pa un por a mira cu e miembronan di Parlamento ta yega pa atende cu e peticion di presidente di parlamento. Den e encuentro aki ta bay sondea si ta riba un linea den caso di retiro di Minister Lopez Tromp.
