Na Paradera algun scol a bini hunto diabierna atardi y a tene un parada chikito. E parada a bay hopi bon, unda Colegio Pastoor Kranwinkel a ricibi cooperacion di otro scolnan pa participa. E aña aki e scol a ricibi un cantidad grandi di mucha cu a participa.
Scolnan cu a participa den e parada aki ta e kleuterschool Nos Paraiso, Tra’i Merdia di Noord y Paradera, Emma School y Ora Ubao. E banda di BMW a entretene e muchanan di Colegio Pastoor Kranwinkel, mientras e otro scolnan tambe a disfruta di e parada cu diferente DJ.
Pa algun aña e scol no a organisa e parada, unda cu nan a haci otro actividad. Den pasado a yega di organisa e parada aki y diferente scol a participa hunto cu nan, asina Angeline Leung, cabesante di Colegio Pastoor Kranwinkel, a bisa.
Ta kere cu pa otro aña e parada lo por ta un tiki mas grandi, mirando con cos a bay. Segun Angeline Leung, e mayornan para band’i caminda a bisa nan con bon nan ta haya esaki. Band’i caminda tabatin hopi hende para pa mira e parada di scol. Maestronan y cabesante di Colegio Pastoor Kranwinkel ta satisfecho con e parada a bay.