Un accidente basta serio a tuma luga den area di Eagle, n’e crusada pa bay hospital, caminda dos brommer no a coordina cu otro y a haya nan den un accidente lamentabel. Esaki a sosode den careda di 6:00 pm dilanti SVb.
For di rotonde riba Sasaki direccion Alhambra nan tabata coriendo band’i otro na momento cu un mal comprondemente entre e dos manehadonan a pone cu un a bay dal tras di e otro.
A perde control y pone cu ambos motociclista a cay. Lamentablemente un di nan a ricibi mas golpi cu e otro na momento cu e brommer a cay riba dje.
Diferente unidad di polis como ambulance a presenta na sitio pa atende y despues transporta e victima pa hospital.
