Diadomingo den careda di 12:10am polis a presenta cu maximo urgencia patras di McDonald’s na Palm Beach pa un bringamento cu tabata bayendo for di man, caminda tabatin arma blanco envolvi.
Na yega di e unidad di polis, ya caba e otro persona envolvi den e bringamento a bandona e sitio. Pero e otro partido si tabata n’e sitio ainda cu su cara ful nan sanger, cu kap na cara y lip.
Mesora a pidi presencia di ambulance pa asina brind’e atencion medico necesario. A dicidi di transport’e pa hospital pa un checkeo medico mas profundo.