Francia lo hunga e gran final di e Copa di Mundo diadomingo proximo. E ekipo di Deschamps a impone riba Belgica (1-0) cu un gol di Umtiti na salida di un corner y lo hunga su di tres final mundialista.
Un partido iguala cu a stard den un oleada entre ambos ekipo. Mientras uno tabata preta, e otro tabata wanta y vice versa. E refleho di dos ekipo bon traha y studia cu den espacionan chikito di e rival, tabata haya luz. Eden Hazard por a marca den e di 15 minuut y den e di 19. Den e prome el a manda malo ora cu el a kere cu e tabata mas su so cu e tabata kere.
Prome Mbappe tabata tin’e tras di un poderoso start, pero Vertonghen, bon coloca, a spanta e mayor peliger di e Mundial aki. Den e intercambio di golpi aki, Francia a tuma e control y den e prome 15 minuut di e prome buelta, prome Giroud a manda un cabes y despues Pavard, su so dilanti di e gol di Courtois, a pordona pa bay ariba den un prome parti descontrola.
Tras di e reanudacion, tur cos a rementa den aire. Eynan Umtiti a impulsa pa remata un corner di Griezmann y hinca 1-0. Un biaha mas, manera durante henter e mundial, Francia p’adilanti. For di eynan Belgica a haya su mes obliga na tuma e control y e ora a emerge, entre e espacionan, e figura di Mbappe.
Dos pase y un scop precioso tabta apunto di entrega e sentencia. Esaki a haci cu Roberto Martinez a activa Plan B: centronan pa Fellaini cu alguno por a remata. Pero poco mas. Den une hercisio di impotencia, Belgica y Hazard a bay perdiendo den e ultimo y un comodo y imperial Francia, a wanta sin demasiado problema. Te na e pitaso final. Ora cu e “Les Blues” a loga hinca nan mes pa di tres biaha den un final di e Copa di Mundo.
Foto: FIFA©
