Relaciona cu COVID-19, tin diferente aspecto cu a surgi como consecuencia di e situacion aki. Un area cu sigur ta afecta grandemente ta e parti di biahe.
Tin mas cu 200 Arubiano cu ta pega den exterior cu instancianan local ta haciendo tur nan tramitenan pa por trece nan bek Aruba. Pero di un otro banda tin stranheronan tambe pega na Aruba, cu tambe kier yega bek na nan pais.
Tin un grupo di persona for di Argentina cu a haya nan mes pega na Aruba. Marcelo ta un di e turistanan kende ta conta cu nan ta un grupo di mas of menos 35 persona. Tur kier a sali cu e ultimo vuelo cu tabatin diadomingo cu Copa Airlines.
Di un manera of otro e aerolinea no a permiti pa nan biaha pa Panama. E grupo tabata tin e speransa pa yega Panama y tuma vuelo riba e mesun dia cu a sali pa Argentina. Den algun caso, manera di dje mes, vuelo cu nan tabata tin di cumpra pa e fecha aki.
Copa definitivamente no a duna mucho splicacion y a laga nan tranca, sin yuda nan ni cu hospedahe ni cu ningun tipo di cuestion social. Den otro palabra, nan mester a bandona aeropuerto.
Marcelo ta sigui conta cu e vuelo di diadomingo tabata cumpra caba. Como cu e situacion tabata mustra dificil ya for di algun dia, durante tres dia nan a bay aeropuerto continuamente, tur esnan cu tabata den e situacion y hasta esnan cu mester a bay mas despues.
A yama nan na telefon cu tin un vuelo cu lo a sali diadomingo pa Uruguay. E vuelo a sali cu pasaheronan cu tabata tin otro destino, compara cu Argentina. Y nan cu mester a bay Argentina, no a subi. Splicacion cu nan a haya ta cu di un manera of otro, un pasahero cu sali for di un pais, mester ta registra formalmente tur e recorido for di principio pa final.
Como cu for di Panama pa Argentina tabata manera permiti, nan no por a laga nan sali for di Aruba pa Panama.
Esey tabata e splicacion tecnico cu nan a ricibi. Pero te ey el a keda, segun Marcelo. Nan no a encarga di nan situacion tampoco.
Tin sugerencia?
Practicamente nan no a haya ningun tipo di sugerencia, ni ningun tipo di contacto. Nan mes nan no sa kico lo bay pasa cu nan pasashi. Nan a reuni na Parlamento pasobra e intencion ta pa pidi ayudo. E grupo ta pidi ayudo na Argentina, nan ta pidi ayudo atrabes di embahada. A pensa cu na Aruba, por duna un sosten. Tin cu imagina cu nan a bin Aruba manera tur turista, cu un rango di fecha pa por t’ey, di acuerdo cu e posibilidadnan economico y di trabao di cada uno.
Y awo nan tin problema pa por mantene nan mes awo na Aruba.
Kico ta sosodiendo awo
E turistanan di Argentina ta kedando varios caminda. Algun luga a yuda cu espacio. Otronan ta paga huur. E turistanan tin hospedahe, pero asina mes, nan mester di ayudo. E ayudo final ta pa nan tin un fecha di vuelo di salida y di yegada pa nan pais. Un hende cu por ocupa cu esaki nan Argentina for di Aruba, pa asina e grupo aki bay cas.
E gobierno di Aruba sigur no lo kier tin hende den e situacion aki. E grupo no ta keda sin ta na riesgo. Hopi di nan tin 60 aña y pa e pandemia cu tin, nan ta un grupo di riesgo, segun Marcelo. Tin di compronde tambe cu tin motibo pa gobierno duna nan un man.
Pega den exterior
Tin Arubiano pega den exterior y e Gobierno di Aruba ta haciendo tramitenan. Awo e pregunta ta keda si e gobierno di Argentina ta haciendo mesun cos. Segun Marcelo den nan caso no ta asina. Pero loke nan ta busca finalmente ta pa nan bin busca nan den un rato y hiba nan na e pais.
Famia
Danki na internet y social media, e comunicacion cu famia ta un problema menor. Den e sentido ey no mester preocupa pa esey compara cu añanan atras.
Yamado
Marcelo ta indica cu e yamado aki haci lo bay duna resultado. Nan no tin ningun duda cu atrabes di prensa Gobierno lo bay haci nan caso. Instancianan cu kier duna un man na e grupo di turista aki por tuma contacto cu nan via nan cuenta di Instagram cu ta @varadosenaruba.
Turismo sigur ta nos fuente principal di entrada y dunando un man den e temponan aki ta haci cu nos cordialidad pa nos bishitantenan por keda demostra pa asina, despues di tur e pandemia aki, nan lo kier bin bek den temponan mas agradabel.
