Hulanda den gara di aumento di casonan di coronavirus

1687

Hulanda a cuminsa siman imponiendo mas restriccion pasobra comunidad no a duna oido na medidanan tuma siman pasa. 

Un di e principal medidanan tabata “social distancing”, di dos meter, pa evita cu e virus aki ta plama den aire di un persona pa otro. Expertonan ta kere cu e acumulacion di persona riba caya y otro caminda a haci cu e virus a plama su mes mas tanto. 

Hulanda te cu dialuna tabatin 213 persona cu a fayece a causa di coronavirus. 

Tin casi 5 mil persona registra cu COVID-19 di cual mayoria ta di e area zuid di Hulanda na e provincianan Noord Brabant y Limburg. Na e parti memey y nort Hulanda, e profesionalnan di medicina tin mannan yen pa atende pashentnan di e areanan zuid. Como cu no tabatin suficiente ambulance, mester a uza convoy pa transporta e pashentnan. 

Coronavirus: Situacion na Hulanda ta sigui empeora

Coronavirus: Situacion na Hulanda ta sigui empeora. Click e link pa mas https://24ora.news/3dppIJa

Posted by 24ora on Tuesday, March 24, 2020

Debi na e aglomeracion y e forma di contagio no a baha, a extende e medidanan te cu dia prome di juni awo. Esaki ta nifica cu Aña di Rey lo no tuma luga manera tradicion den luna di april, y otro fechanan importante no ta wordo celebra manera tradicionalmente. Esaki pa evita multitud, inclusive e fecha di liberacion di Hulanda.

Pues Hulanda ta den un semi toque de queda, pasobra ta prohibi aglomeracion. 

Hulanda di otro banda a pone 5.2 mil miyon euro pa subsidia sector di Horeca. Pa loke ta scolnan, examennan no ta sigui. Despues di 6 juni lo mira con pa duna e ultimo lesnan y e examennan. 

Rumor cu milicia Hulandes ta bay duna un sosten, Minister Bijeveld no a confirma ni desmenti esaki. Normalmente si Polis den situacionnan cu no por carga siguridad, ta pidi ayudo di milicia.

Pa un siman caba hendenan a cuminsa drenta negoshi pa cumpra materialnan di reserva cu miedo pa lockdown.

Ampliacion di medidanan ta debi na comportacion di principalmente hobennan cu no ta tuma e asunto na serio y un biaha mas ta pidi e hendenan keda cas.

Comments

comments