E evento masha gusta pa e Rubianonan bibando na Hulanda ‘Arubadag’ ta cla pa ranca sali e fin di siman aki, diadomingo 21 di april, y Tsunami ta cla pa bolter esaki completo cu bon ambiente na De Broodfabriek, Rijswijk. E aña aki Arubadag Festival 2024 lo consisti di diferente presentacion di entre otro Ataniro cu banda completo, Tsunami, Honeypot, Rocco cu Fanatiq Band y mas. Tsunami, despues di un show historico na 2019 lo ta bek atrobe cu dos set.
Mas cu sigur Tsunami ta cla cu un tremendo show manera tur hende ta custumbra. Esaki sigur no ta cos di perde cu dos set bon prepara pa deleita pueblo Rubiano na Hulanda of ken cu ta cu kier bini disfruta di esaki. Awor cu ta friu na Hulanda, esaki lo sigur trece e calor di nos Rubianonan na Broodfabriek.
Tsunami ta bayendo bek despues di hopi aña y ta bon prepara cu dos bon set di canticanan. Galloway a bisa cu Hulanda sa nan ta bin, y ‘the party mash up, the party bad’ sigur lo bay resona den grandi na tera friu. Easy B ta manda su invitacion tambe pa yega De Broodfabriek diadomingo awor pasobra cos ta bay ta hot.
