Prome informe cu a ricibi diabierna anochi, tabata di un caso di atraco cu lo a tuma luga riba Citgo San Nicolas.
Segun e testigonan, dos persona, bisti cu capuchon y cara tapa a yega na e stacion di gasolin, CITGO San Nicolas, n’e otro banda di Warda di Polis. E dos personanan aki, a exigi e trahado pa dun’e tur e placa.
E trahado a lucha cu e atracado, mientras cu e otro tabata grita “tir’e, tir’e” y a drenta paden. Pero e trahado a lucha cu e atracadonan y esakinan a spanta y a core bay.
Al fin y al cabo, nan no a logra bay cu niun cen. Polis a presenta pa tuma tur dato. E trahado tin apenas un siman na trabou.
E atracadonan a huy bay riba scooter y no a dura mucho cu polis a topa c’un scooter cual nan a duna señal pa para, cual nan a nenga. Dado momento polisnan a perde e scooter aki for di bista.
E caso ta bou di investigacion.
