Diadomingo merdia un trio ladron a drenta New 88 Food Mart situa na Macuarima, pero nan no a conta cu camara di siguridad ta graba tur nan movecionnan y nan acto di ladronicia. Nan modus operandi ta cu ta drenta separa for di otro pa asina despista e trahadonan, ta pidi producto y warda den carson of den tas.
Un homber bisti cu flanel di Brazil a horta dos shampoo. Ora a descubri e ladronnan, a Sali nan tras pero nan a cana direccion Warda di Polis y despues a perde den e area y no a topa cu nan mas. E dos hende muhenan a horta pisca y cabaron y ta parce e mesun nan cu a horta na e otro supermercado na Paradera. Ta mustra cu e hombernan ta cambia flanel segun nan ta drenta establecimentonan pa horta.
