Diasabra a tuma luga apertura di ASU Olimpiada 2026. Prome cu esey tabata tin e Sport Expo, unda cu e federacion tabata tin nan booth pa duna informacion riba nan disciplina.
Soraida Boekhoudt, presidente di Aruba Sport Unie, a conta cu e olimpiada a ranca sali diasabra y tin duracion di tres luna. Esaki ta e tempo cu e federacionnan ta haya oportunidad di organisa nan deporte. E ta finalisa dia 18 di december y pa januari tin e clausura.
Aruba Sport Unie tin un total di cuarenta federacion miembro, di cual bintishete miembro a participa n’e ASU Olimpiada, segun Boekhoudt.
Bintishete miembro ta participa, pero no tur por tabata bou di dak di Centro Deportivo Libertador Betico Croes. Un ehempel ta OCA, cu ta un deporte di cabay y nan ta bay na diferente facilidad deportivo.
Pa haya mas informacion di e competencianan, segun Boekhoudt, ta poni riba nan Facebook page.
Pa mas lesa TREMPAN.COM.
