Un grupo di trahado di Tra’i Merdia a bin dilanti di bestuurskantoor, pa asina reuni cu minister di enseñansa, Rudy Lampe, unda cu nan lo papia di diferente preocupacion cu nan tin.
Na e momentonan aki, e trahadonan a presenta, pasobra despues di diferente intento pa mustra cu tin un problema. Tin hopi mucha cu ta bin Tra’i Merdia y for di hopi tempo caba nan ta pidiendo pa mas ora, pa nan como team, por reuni, pa nan como team por atende cu e muchanan aki mas miho.
A ripara cu a bin hopi cambio y e cambionan ainda pa e trahadonan no ta relata na e problema cu nan ta mirando cu tin. Nan a manda centrumleiders cas. Den Augustus huiswerkbegeleiding ta bay cas.
A haya un carta pa e mayornan. Ta bay duna e trahadonan mas conocemento, pero no ta mira cu e problema mes no ta wordo atendi cun’e, pa motibo cu e tempo ta bay keda cortico pa nan por atende cu e muchanan.
Por ehempel, si bo no tin e huiswerkbegeleiding of si nan mes haya mas conocemento, e cantidad di mucha ta keda mesun cos y e tempo pa deal cu nan mes no tey.
Na momento cu tin un centro cu no tin e centrumleider of tin un locatiemanager y ta cu un grupo, si tin cu bay atende cu un mayor of algo asina, bo ta hayabo cu bo tin cu parti e muchanan. Esey tambe ta un preocupacion hopi grandi cu nan tin, pasobra e bienestar di e mucha tin cu bin na prome luga y e tempo pa e mucha ta importante. Si tin cu bay atende cu mayor parti e klas, e ora otro klas ta bay haya mas mucha y e mayor ta paga mescos cu un otro mayor, pa e trahado deal cu e mucha henter dia.
E cambionan cu a bin cun’e, ta cambionan creativo cu ta haya nan ta bon, pero e parti di mas importante ta, pa atende e zorgkinderen, yuda pa duna un tiki mas tempo pa por atende cu nan apropiadamente.
Apart di esey tin tambe cierto centronan cu no tin centrumleider y hopi biaha ta e trahado ta atende cu cierto cosnan. Aki e problema no a caba.
Cambio
E cambio cu nan ta haciendo, cu nan a manda e centrumleidernan cas, pero Juli y Augustus ta habri sin centrumleider, ta un preocupacion grandi, pa motibo cu si tin un grupo bo mester atende cu e grupo. Al fin y al cabo, abo ta keda responsabel pa e muchanan si algo pasa, ora cu bo bay atende cu un mayor of algo asina.
Ainda nan tin’e dos ora pa dia, pero hopi di nan tareanan a wordo kita for di nan y e asistentenan ta haya mas trabao extra y ta husto, ni tampoco nan no kier pa haya 40 ora tampoco.
Solucion
Ta boga pa 40 ora, pasobra nan tin hopi aña caba ta laborando. Nan ta un departamento di gobierno cu ta bayendo pa 23 aña ta cobrando part time. Nan tin cu cria famia, cas pa paga, tin debe y tin cu cobra un salario part time. Bo ta perde cuarta parti di e salario. Algun tin 31 y algun tin 38 ora. Pesey nan kier bay pa nan 40 ora pa drecha nan pensioen tambe ora cu yega e momento pa bay pa pensioen.
Hopi tempo andando
E situacion aki tin hopi tempo andando y nunca a bin na un solucion. Ta pone mas tarea riba nan, pero e pago mes nada. E orario nan no kier haci’e mas hopi pa nan. Awo nan a bay bestuurskantoor pa haya un contesta positivo y si no haya esey, e ora e trahadonan no ta bay presenta na trabao.
Lo yama oficina y oficina mester busca un solucion e ora. Ta pone un camping pa nan awo, cu practicamente full leiding ta bay cu vakantie tambe. Nan ta laga e lidernan so cu e campamento.
Awor aki nan tin cu warda pa ora e coleganan cu ta paden reuniendo cu e minister pa wak con e reunion a bay.
A base di e resultado di e reunion aki nan ta wak kico pa dicidi, e por keda toch safe pa tur hende. A pidi si ta e orario, sali prome cu 1’or di merdia, laga sa kico ta bay pasa, sino tin cu yama e mayornan.
Mainta a tende cu lo por haya un concepto di scol cu lo bay traha te cu 3’or. E ora unda Tra’i Merdia ta keda. Ta preguntanan cu ainda no tin contesta.
Porcierto tin un pilot ta andando unda cu ta bezig riba e parti di zorgkinderen y ta increibel loke a sali for di dje. Mas ainda ta mira e necesidad. Pa e bienestar di e muchanan mes, e ta importante pa e muchanan aki por tin un miho cuido.
