Diasabra, dia 25 di Mei Proximo, Colegio EPI ta organisando The Voice EPI Edition, en busca pa e miho “voice” den e scol.
Te asina leu 6 luga so tin disponibel pa cada unidad. Ta bay tin dos categoria: Pro y Amateur.
Pa registra ta costa 20 florin y ultimo dia pa registra ta Dia 17 di April proximo.
E evento mes ta bay tuma luga riba e Campus di EPI, cuminsando di 7’or y mey di anochi te cu 12’or di marduga.
Entrada en general ta 10 florin pa studiante di EPI y 15 florin pa publico general.
Ticketnan ta bay ta disponibel ne Admision’s Office y tambe The Food Court. Pa cualkier informacion bishita nan pagina di Facebook (Hospitality Student Counsil) of tuma contacto cu 7429456 of 5937795.
Training y premionan
Tur participante ta bay tin un minimo di 4 training promo cu e gran anochi final. Ta bay tin diferente premio. Un di nan ta pa mas popular ora e persona pasa cumpra ticket na cantina e lo menciona ken e ta bay apoya y asina ta scoge esun cu mas apoyo. Un di e otro premionan cu tin ta miho bisti na prome, di dos y di tres luga den tur dos categoria.
Participacion
Pa participa ta pidi un contribucion di 20 florin cu ta encera 1 photoshoot, t-shirt y refreshment backstage.
Tur participante mester atende e meetingnan cu ta bay tin pa informa nan mas riba e evento y tambe na un mini radio tour.
E fanaticonan di cada participante por trece poster, banners y blaas pa apoya pero no lo mag trece nada cu por stroba otronan di disfruta di e show.
