A yama SEPPA por medio di nan shopsteward rabia, pa motibo di un declaracion di e minister di salubridad, Dangui Oduber. Segun miembro di directiva di SEPPA, Edmundo Marlin, tin un situacion cu ta tumando luga den Departamento di Salubridad, unda cu tin kehonan haci y tin investigacion andando.
Pa e motibo ey e minister a tuma su decision pa suspende e director. Pero locual a pone un departamento rabia ta e departamento di GKMB, caminda cu den e declaracion a declara cu el a papia cu diferente departamento, pa asina e tambe ta informa kico ta pasando den e Departamento di Salubridad Publico. Esaki a cay den mal tera cerca e trahadonan, caminda cu nan a vocifera bon cla cu dicon e minister no a pasa cerca nan, pa tambe scucha kico ta nan inkietud. A sabiendas cu e minister ta na altura for di Maart cu SEPPA a manda carta pa e minister, cu nan preocupacion riba diferente asunto cu nan tin. Nan kier pa SEPPA tin un reunion cu e minister pa atende nan asuntonan, y esak no a tuma luga. E trahadonan tin un mensahe y a pone esaki bon cla na SEPPA. Cu si e minister aki no yama e reunion aki mas pronto posibel, nan ta aby tuma accion. Pesey mes SEPPA a notificando eaki, pasobra nan a haci varios intento cerca e minister.
Marlin mes personalmente a papia cu e minister na dos ocasion, cordando e minister cu e reunion cu a pidi entre otro esun di GKMB. Los di un otro departamento cu ta cay bao di dje, cual no ta existi mas, pero ta cay bao di FMAA, caminda cu for di December, ta pidiendo e minister aki reunion tambe pa trata e problema cu tin eynan.
Te ainda no a haya oido. Na dos ocasion a papia cu e minister, kende a bay di acuerdo y lo pone fecha pero no a haya. Loke ta haci cu e situacion ta bira fastioso, ta caminda cu den e departamento e minister a bisa cu el a papia cu diferente departamento, pero e departamento di GKMB di cu nan no a mira ni sombra di e minister. Pero cu e minister ta na altura di diferente problema cu nan tin y caminda cu a pidi varios reunion cun’e, pero no a haci esaki.
