Trahadonan di CEA, cu ta staciona na KIA, a entrega un keho na TaskForce di Directie Voklsgezondheid Aruba (DVG) riba e situacion di COVID-19. Tin shete trahado cu a test positivo e.o. na e departamentonan di Werkplaats, Onderhoud.
A manda e trahadonan di e departamentonan pa cuarentena, cual trahadonan di CEO ta di opinion cu esey ta na su luga. Pero director di KIA, sr. Winklaar, a declara na prensa cu tur cos ta bou control, pero den nan opinion esey no ta asina. Nan ta sigui bisa cu ta test presonan pa COVID-19 y ta spera cu no tin contagio.
Nan ta preocupa p’e situacion aki. Den e parti di buitenschildwacht y scanruimte tin hende cu ta malo di salud entre otro diabetis, problema di curason y otro enfermedad cronico. “Nos ta spera un tiki compresion p’esey tambe, pa medio di salud di e coleganan ey,” nan a expresa. E trahadonan di CEA no ta pidi hopi, pasobra no por cera KIA pero pa desinfecta e instituto manera a haci cu warda di polis na San Nicolas.
Sindicato di CEA ta na altura di e situacionnan aki di e instituto. E trahadonan di CEO hunto cu nan sindicato ta den evaluacion si lo tene un walkout pa mustra nan preocupacion.
