Diabierna mainta ta habri cu noticia lamentabel di fayecimento di un persona hoben relaciona cu covid-19 cu a socode na su cas. Mientras cu na e momento aki a ricibi e cifranan oficial for di Departamento di Salud di Aruba cu ta indica cu tin un persona adicional cu a fayece pa e dia di awe cu ta pone e total e ora na 18 persona cu a perde nan bida pa motibo of relaciona cu covid-19.
Mientrastanto e cifra pa local ta trata personanan recupera pa awe ta 44 persona y total di casonan nobo ta 79 persona registra caminda 1 persona ta no-residente.
Casonan activo di covid-19 riba nos isla ta 1429.
Laboratorio di Hospital a efectua un total di 230 test , mientras en totalidad tin 354 test haci ayera. Locual cu ta informacion di Hospital riba pashentnan interna tin cu bisa cu actualmente tin 44 persona interna di cual 12 ta den cuido intensivo. Casonan di personanan isola ta awo na 32 persona cu ta den piso general.
Palabra di condolencia ta bay na famia di e fayecidonan.
