Djasabra 09 di yüni 2018, Orca a kuminsá ku su torneo interno di waterpolo. A parti e atletanan di kada kategoria na dos. Nan lo kompetí pa tres siman riba djasabra, esta djasabra último, djasabra awor dia 16 di yüni i djasabra 23 di yüni 2018.
Den e grupo di prinsipiante (U10), e tim di Orca Right Fin (Coach Radjinder Angelica) a gana 1 pa 0 di e tim Orca Left Fin (coach Mayron Hermanus).
Den e grupo di U12 kombiná ku U14, e tim di Orca Belly (Coach Steven Louisa) a empatá 5 pa 5 ku di e tim Orca Back (coach Vernon Toré).
Den e grupo U14 kombiná ku U16, e tim di Orca Tail (coach Lindy Brown) a gana 9 pa 4 di e tim di Orca Dorsal (coach J. Paulo)
Den e grupo di U19 kombiná ku Señor, e tim di Massive Orca (Coach Echently Lourense) a gana 12 pa 5 di e tim di Big Orca (coach Steven Louisa)
E ambiente rondó di e pisina tabata ”great” i tabatin bastante hende ku a bin wak e partidonan di waterpolo. Orca e úniko klup di landamentu ku ta praktiká e disiplina di waterpolo aki na Kòrsou ta kreativo i ta keda hasi esfuerso pa e atleta keda praktiká e deporte di waterpolo aki na Kòrsou.
Direktiva ke gradisí i yama danki na e atletanan, mayornan, coachnan i tur boluntario ku ta yuda engrandesé e deporte di waterpolo na Kòrsou
Direktiva di Orca ta ekstendé un invitashon na e pueblo di Kòrsou pa bin wak weganan di waterpolo, djasabra for di 10.30 or te ku 14.30 or. Bini ku e yu (nan) i kisas e (nan) ta haña smak pa kuminsá praktiká e deporte aki!
Pa mas informashon, tokante di Swim Club Orca Curaçao, por yama na telefon 529 6586
