Team “Matthew Paesch” ta bek na Aruba, despues di tabata na Colombia pa asina participa den e Rok Cup Competition di Go-Kart. Durante un conferencia di prensa e team a presenta e pilotonan cu lo bay Panamericano 2021 cu lo tuma luga na Villavicencio, Colombia.
Gregory “Gordo” Tromp, dirigente “Team Matthew Paesch” a splica nan a bay Colombia riba invitacion di Rok Cup, e organisadonan di e evento, pa asina nan bay haci un tryout y a tuma e invitacion aki man habri. El a sali nan di bon tambe. Nan a participa na dos evento, un doubleheader, di cual e prome dia a logra campeon y e di dos dia subcampeon.
Esaki ta nifica cu por mira, aunke cu e entrenamentonan na Aruba tabata tiki, cu si gusta e deporte, bo ta haci lo maximo. Manera cu a haya e invitacion di Rok Cup Colombia, a opta pa bay un siman delanta y durante full e 7 dianan, a haci tur preparacion hopi intenso.
Pa e siguiente siman cu tabata cla y cu por a duna e miho bataya cu nan por a duna, a sali nan di bon, mirando cu nan a sali campeon y sub-campeon.
Virgil Arends, un piloto hopi experencia a haci bon uzo di esaki. No tabata tin mucho training, pero tambe a logra haci preparacion durante un siman na Colombia y por a mira fruto di esey.
Tur esaki a habri un porta pa 2021 y e proceso pa host un Rok Cup ta na caminda. Esey a start for di 2019 na momento cu Aruba a sali subcampeon. Miradanan tabata hopi riba Aruba caba for di 2018 durante nan prome participacion.
Aña 2019 a bay un tiki mas duro un biaha mas y durante clausura di e evento, a puntra si Aruba lo kier a host e competencia.
Awor aki cu regreso di Team Aruba na Colombia, un biaha mas tur e paisnan cu ta forma parti di Rok Cup South America, a bolbe puntra y Aruba a tum’e cu man habri e biaha aki.
Awor aki tin di sinta, cuminsando den nan propio seno. Cartanan a sali caba pa instancianan cu mester haya esaki. Ta wardando contesta riba nan y si tur cos pinta bon, Aruba lo tin’e.
Aunke ya caba nan mes como organisado pa 2021, si e no bay door, tin un otro pais pa haci’e, pero bao di e capa cu Aruba ta bay organis’e na otro pais.
Un otro torneo
Awor aki nan ta saliendo un biaha mas pa Colombia cu ta na maart pa haci un otro prueba cu e ekipo. E ta bay ta riba materialnan nobo, chasis nobo cu a caba di sali. Nan kier purba pa wak con esaki ta den otro. Tambe tin poni pa na maart caba cu e final di Winter Tour na Pompano Beach. Tur esaki ta poni for di awo pa maart.
Gradicimento
Tromp ta gradici na e pilotonan, principalmente esnan cu a biaha pa Colombia. Sin nan no por a logra nada. Na e mayornan cu a duna e confiansa pa e team por hiba nan yiunan y tambe tur esnan cu ta kere den e team.
