Tin 5 caso nobo di Covid-19: Gobierno ta reintroduci reglanan estricto

14771

Un rato pasa Minister Presidente mr. Evelyn Wever-Croes a anuncia cu a constata 5 caso nobo awe di Coronavirus y tur ta contagio local. Na unda e personanan a contagia ainda no ta conoci, pa cual awor ta haciendo “contact tracing”. Gobierno ta sospecha cu esaki ta consecuencia di e ultimo dos simannan. Mester menciona cu no tin ningun pashent interna den Hospital.

Relaciona cu e situacion aki y e realidad nobo, esta 12 caso activo, mesora a anuncia varios medida pa evita mas contagio:

  • Ta sugeri pa bisti mondkapje den areanan publico of na trabou, si acaso Bo no por mantene un distancia di 1,5 meter
  • Ta para tur deporte paden y tur “contact sport”
  • Restaurantnan no por tin mas cu 4 persona na cada mesa y tur mesa mester ta 1,5 meter leu di otro.
  • No ta permiti pa tin hende sinta na bar mas, no mag tin musica ni mag tin tocamento ni bailamento den barnan. Clientenan por pidi co’i bebe y sinta bebe na mesa y no na bar!
  • Casinonan mester bay na e protocol original
  • Misanan mester bay na e protocol original
  • Entiero mester bay na protocol original, no mas cu 25 persona na entiero
  • Ta introduci un “samenscholing verbod” di un maximo di 4 persona den area publico. Ta haci excepcion pa bruid na lama. Tur hende mester mantene distancia social di 1,5 meter di otro.
COVID-19 Update

COVID-19 Update

Posted by 24ora on Monday, August 3, 2020