Tin un percepcion completamente robes, cu pa haci un test di Covid prome cu biaha, cu mester bay dokter di cas. Al contrario, por djis yega sin afspraak na e laboratorio di Hospital na Palm Beach Plaza, for di 7:00 am te cu 10:00 pm y haci bo test sin problema. Hecho ta cu nan tarifa ta mas abou cu tur otro laboratorio na Aruba y nan ta mas lihe, pues den un tempo record bo ta haya resultado di bo test den bo email!
E temporada di vakantie pa luna di October ta den porta y hopi ciudadano tin nan pasashi cumpra pa biaha bay diferente pais caba. E unico cos cu porta nan falta ta nan COVID-19 test negativo pa por drenta e pais cu nan ta bay bishita. No ta tur pais ta exigi un COVID-19 test pa por drenta. Pa sa cua pais ta exigi esaki, ta necesario pa e biahero informa su mes di esaki cerca e aerolinea cu e ta bay biaha cu ne.
Pa e motibo aki DVG ta informa cu pa haci e COVID-19 test pa por biaha, ta necesario pa e biahero tuma contacto cu un laboratorio cu ta brinda e servicio di testing dentro di e tempo stipula. Pa haci un COVID-19 test pa por biaha e ciudadano NO mester yama dokter di cas, tampoco mester yama DVG y no mester aplica pa e test via e sistema di test online. E proceso aki ta unicamente pa personanan cu tin sintoma di COVID.
Pues pa por rekeri un COVID-19 test pa por biaha, e biahero por tuma contacto cu LabHOH, cu tin e miho servicio di test pa COVID-19 y bo ta cla!