Recientemente Gobernador di e estado di Florida Sr. Ron De Santis a firma un ley nobo di inmigracion. E ley nobo ta haci e bida di un persona cu ta no ta documenta den e ciudad di Miami y e otro ciudadnan di Florida bastante dificil.
Debi na esaki durante e ultimo fin di siman por a nota con autonan carga cu famia tabata bandona diferente ciudad di Florida. Hopi ta personanan cu no kier core e riesgo di detencion y of no haya trabou.
Algun di e puntonan di e ley ta
– Si bo tin un persona indocumenta den bo auto bo por haya multa y of keda deteni
– Companianan cu tin mas cu 25 empleado, mester uza e sistema di e-verify cu ta check e status di e empleado
– Si e compania no haci esaki e por haya multanan di miles di dollar pa dia
– Hospitalnan mester cuminsa check status di personanan cu yega cerca nan pa asistencia
– E estado di Florida lo tin $12 miyon dollar pa gasta pa transporta personanan for di e estado di Florida
No solamente personanan sin documento ta preocupa, pero tambe e dunadonan di trabou. Specialmente den e area di construccion ta premira hopi problema. Den e sector aki caba di un escasez di trahado y awor den apenas un par dia a nota cu tin un cantidad grandi di persona cu no a bin traha. Esaki ta debi cu nan no ta sinti nan mes sigur cu e ley nobo aki.
Ta premira cu lo tin diferente casonan den corte proximamente pa bringa e introduccion di e ley aki
