E ganado di Lotto 5 diaranson ultimo ta un chauffeur di autobus. E numbernan ganado ta 09-10-14-20-29, Joker 35, Letter: D.
Iris Franken, chauffeur di autobus B-118, ta contento di por a gana e lotto. El a expresa cu e ta hunga lotto pa hopi tempo y e number aki ta uno vast, pasobra ta numbernan di hacimento di aña di su yiunan y di dje mes. Semper el a carga su fe.
E ta cumpra lotto na diferente caminda, pero e ta cumpra nan na diferente orario. E diaranson el a cumpra e lotto pa 4:00 pm. Riba e mesun dia el a haya sa cu e ta e feliz ganado di e Lotto 5, cual premio tabata 2.2 miyon florin.
Franken a conta cu su yiu muhe a yama e yiu homber pa e numbernan. E ta corda cu tur biaha su yiu ta puntr’e si e no ta fada di cumpra number. Despues cu el a tende e numbernan, e kiermen si e no ta kiboca el a gana. Franken a bay controla su ticket y e yiunan a bis’e cu el a gana e Lotto 5.
El a keda trankil y ningun di su famia tabata sa. Franken a gradici Lotto, pero tambe a expresa pa haci bon y bon ta bin bek pa bo. Incluso el a indica pa nunca rindi bida, tur problema cu tin den bida, wak e solucion. “Awe ta di mi, mañan ta di cualkier otro hende.”
El a indica cu e ta un persona humilde, pasobra e placa nunca lo bay normal. E lo comparti e placa y haci un bon uzo di esaki. E prome cos cu e lo regala su mes ta un biahe cu su famia completo y tambe setup su yiunan pa bida. E lo biaha y sigui traha, pero no manera subi su bus y traha duro.
Amanda Croes, representante di Lotto, a indica cu nan ta contento di por a entrega e check. Tambe contento di tin un feliz ganado di e record di jackpot di 2.2 miyon florin.
