No ta mucho dia pasa cu brandweer a paga candela na ex-Office Centre. Awe atrobe, alrededor di 5:00 pm bisiñanan a bati alarma cu parti patras di e edificio ta na candela. E ta keda den Consessielaan, net patras di Lucky Store na Playa.
Segun testigo, a mira un adicto di fam Thielman sali for di e tereno y cu ta sospecha cu ta e t’esun cu a cende e candela. Polis a presenta pa cera camina mientras cu e bomberonan a atende cu e candela. Basta huma tabata sali for di patri patras di e edificio.
No mucho rato despues, polis a topa cu e adicto Thielman den Caya Grandi. A deten’e mesora pa sospecha di cende candela y a transport’e pa warda di polis caminda e recherchenan lo interog’e.
